పరిసరాలు శుభ్రంగా ఉన్నప్పుడే ప్రజారోగ్యం మెరుగుపడుతుంది
పరిసరాలు పరిశుభ్రంగా ఉన్నప్పుడే ప్రజా ఆరోగ్యాలు మెరుగుపడతాయని రోటరీ క్లబ్ అధ్యక్షులు మాదేటి సత్యనారాయణ పేర్కొన్నారు. మండల కేంద్రమైన కొయ్యలగూడెం పట్టణంలో రోటరీ క్లబ్ ఆధ్వర్యంలో పరిసరాల పరిశుభ్రతపై అవగాహన ర్యాలీ నిర్వహించడం జరిగింది. ఈ సందర్భంగా సత్యనారాయణ మాట్లాడుతూ గ్రామం, మన ఇంటి చుట్టూ ఉన్న పరిసరాలు పరిశుభ్రంగా ఉన్నప్పుడే ఆరోగ్యం మెరుగగా ఉంటుందని ఆయన తెలిపారు. పంచాయతీ కార్యదర్శి రుక్మిణి మాట్లాడుతూ తమ వీధిలోకి పంచాయతీ ట్రాక్టర్ వచ్చినప్పుడే తుక్కు వెయ్యాలని , డ్రైనేజీలలో , ఎక్కడపడితే అక్కడ తుక్కు వేయకుండా తమ పంచాయతీ సిబ్బంది వచ్చినప్పుడు వారికి సహకరించాలని ఆమె తెలిపారు. ఈ కార్యక్రమంలో ముప్పిడి చిన్నబాబు, రోటరీ క్లబ్ సభ్యులు దారం సత్తిరాజు, మజ్జి సూరిబాబు, గొలిశెట్టి శ్రీనివాస్, చోడి పిండి సుబ్రహ్మణ్యం, చిరావూరి సాయి, చిక్కాల దుర్గాప్రసాద్, మంతెన సోమరాజు, మద్ధు మోహన్ , సత్యనారాయణ పంచాయతీ సిబ్బంది పాల్గొన్నారు.
