ఆగిరిపల్లి రజక సంఘం నూతన కమిటీ ఏకగ్రీవ ఎన్నిక
ఆగిరిపల్లి: ఆగిరిపల్లి రజక సంఘం నూతన కార్యవర్గాన్ని ఆదివారం ఏకగ్రీవంగా ఎన్నుకున్నారు. సంఘం అధ్యక్షుడిగా (ప్రెసిడెంట్) సగ్గుర్తి శ్రీనివాసరావు, ఉపాధ్యక్షుడిగా (వైస్ ప్రెసిడెంట్) గరిసేపల్లి లక్ష్మీనారాయణ, కార్యదర్శిగా (సెక్రటరీ) నైనవరపు వెంకటేశ్వరరావు ఎన్నికయ్యారు. వీరితో పాటు మరో 12 మందిని కార్యవర్గ సభ్యులుగా ఏకగ్రీవంగా ఎన్నుకోవడం జరిగింది.
ఈ సందర్భంగా నూతన అధ్యక్షుడు సగ్గుర్తి శ్రీనివాసరావు మాట్లాడుతూ.. తనపై నమ్మకంతో బాధ్యతలు అప్పగించిన సభ్యులందరికీ కృతజ్ఞతలు తెలిపారు. రజక సంఘం అభివృద్ధికి, సభ్యుల సంక్షేమానికి సమిష్టిగా కృషి చేస్తామని పేర్కొన్నారు. సంఘం ఐక్యతను మరింత బలోపేతం చేస్తూ, భవిష్యత్తులో మరిన్ని సేవా కార్యక్రమాలు చేపడతామని ఆయన ఈ సందర్భంగా వెల్లడించారు. నూతన కమిటీకి పలువురు సభ్యులు శుభాకాంక్షలు తెలియజేశారు.
